好不幸，前几日发现07.11有2张电影票过期了～心痛中～Brenda推荐最近新电影《窃听风云》，于是今日走左去维家斯睇。

 

      还发现招行的信用卡很好，买一送一～

 

      言归正传，讲翻电影，都系一贯香港警察片题材。不过内容感觉仲几新颖。讲情报科窃听题材，仲有我好感兴趣既股票内幕交易。剧情发展亦有令人意外既地方。总体剧本安排几好，方中信，刘青云，吴彦祖几个演员演技也的确一流。呵，哩几个都系我中意既男演员。剧中安排都好紧凑，刺激，而且都有好多笑料！

 

      所以仲系值得推荐一睇～

      因为连续几个月的PA完成了target，我地有连续既party fund，一班同事决定去清远漂流度周末。

 

      星期六一早起床，驱车2个钟头去到黄腾峡，11点左右到达，系街边揾左间小型旅游票代售点，买左所谓VIP票。好彩我地中午左右到达，人唔系几多，而且哩度设施同管理都几好，一d都唔使排队。不过阳光就异常毒辣。今次系我第二次玩漂流，之前去韶关，玩d一只船16个人的，感觉好无聊。本黎今次都话唔玩既，但系激嬲做Brenda，所以去玩了。不过意外的系，玩哩种2个人一只船既，非常刺激。大有意外惊喜。只不过狂漂全程约2个钟头之后，晒到全身红晒，几乎脱皮！God，从细到大，第一次晒到甘伤！～

 

      酒店订左标5星级既“清远清新花园酒店”，感觉几唔错，先4百几一晚，性价比其高。有个好大既泳池。酒店周边景色一般，不过环境仲系几唔错～

 

      晚上去左附近一间“鹅哥味稻”食饭，social social一番后，识做老板个仔同老婆，佢地非常热情。话下次黎可以揾佢订酒店房间，可以3百有找。下次又即管试下。

 

      晚黑一班人系度饮酒打牌，睇鬼片，可恨我部电脑音量太细，无效果，先睇既“着信III（鬼来电III）”居然被Victor认为系喜剧。然后，再将经典“咒怨”搬出，不过更可恨既系Brenda，Victor，Cathy全部训着，得翻我一个系度睇。一班衰人！

 

      总体今次outing几唔错，本黎打算打野战，不过太阳实在太可怕。所以我地决定秋天再黎，顺便浸温泉。

 

      过左一个好开心既周末，多谢陪我一齐颠既同事们！